పూల బతుకమ్మల చుట్టూ చేరి ఆటపాటలతో సందడి చేసిన మహిళలు
పరకాల తెలంగాణ గళం అక్టోబర్ 17
పట్టణంలోని పద్మశాలి భవన్‌లో వేముల సదారాణి ఆంజనేయులు అధ్యక్షతన పద్మశాలి మహిళా విభాగం ఆధ్వర్యంలో బతుకమ్మ సంబరాలను ఘనంగా నిర్వహించారు.
తెలంగాణ సంస్కృతి,
సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకుని మహిళలు ఉత్సాహంగా వేడుకల్లో పాల్గొని సందడి చేశారు.
ఈ సందర్భంగా మహిళలు సంప్రదాయ దుస్తులు ధరించి, వివిధ రకాల రంగురంగుల పూలతో బతుకమ్మలను అందంగా పేర్చారు. అనంతరం బతుకమ్మల చుట్టూ చేరి సంప్రదాయ బతుకమ్మ పాటలు పాడుతూ, ఆటపాటలతో ఉత్సాహంగా వేడుకలను జరుపుకున్నారు.
మహిళల సందడి, పూల బతుకమ్మల అందాలతో పద్మశాలి భవన్‌లో పండుగ వాతావరణం నెలకొంది.
ఈ సందర్భంగా మహిళలు మాట్లాడుతూ, బతుకమ్మ పండుగ తెలంగాణ ఆడపడుచుల ఆత్మీయతకు, ఐక్యతకు, సంస్కృతి సంప్రదాయాలకు ప్రతీక అని పేర్కొన్నారు. తరతరాలుగా వస్తున్న పండుగ సంప్రదాయాలను కొనసాగిస్తూ, భావితరాలకు తెలంగాణ సంస్కృతిని పరిచయం చేయడంలో ఇలాంటి వేడుకలు కీలక పాత్ర పోషిస్తాయని తెలిపారు.
ఈ కార్యక్రమంలో పద్మశాలి మహిళా విభాగం సభ్యులు అధిక సంఖ్యలో పాల్గొని బతుకమ్మ సంబరాలను ఆనందోత్సాహాల మధ్య ఘనంగా నిర్వహించారు.
