మంచిర్యాల పట్టణంలోని కాలేజీ రోడ్డులో గల బీఎంఏ (BMA) ఫంక్షన్ హాల్‌లో శ్రీ వైష్ణవ సంఘం ఆధ్వర్యంలో ఆదివారం ఘనంగా నిర్వహించిన ‘శ్రీ వైష్ణవ సమారాధాన’ కార్యక్రమానికి మంచిర్యాల శాసనసభ్యులు శ్రీ కొక్కిరాల ప్రేమ్‌సాగర్ రావు ముఖ్య అతిథిగా హాజరయ్యారు. ఈ సందర్భంగా ఎమ్మెల్యే మాట్లాడుతూ సమాజ సేవలో వైష్ణవ సమాజం ముందుండాలని ఆకాంక్షించారు. సంఘ సభ్యుల విజ్ఞప్తి మేరకు, రాబోయే కార్తీక మాసంలో శ్రీ వైష్ణవ సంఘ భవన నిర్మాణం కోసం స్థలాన్ని తప్పకుండా కేటాయిస్తానని ఆయన హామీ ఇచ్చారు.
ఈ సందర్భంగా వైష్ణవ సంఘం ప్రతినిధులు ఎమ్మెల్యే ప్రేమ్‌సాగర్ రావును శాలువాతో ఘనంగా సన్మానించి కృతజ్ఞతలు తెలిపారు. ఈ కార్యక్రమంలో మున్సిపల్ కార్పొరేషన్ కాంగ్రెస్ పార్టీ అధ్యక్షులు, కార్పొరేటర్ తూముల నరేష్, జిల్లా ఆత్మ కమిటీ చైర్మన్ సింగతి మురళి, మాజీ మున్సిపల్ వైస్ చైర్మన్ సల్ల మహేష్, సంఘ బాధ్యులు, స్థానిక కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు
