పర్వతగిరిలో ఘనంగా గణపతి నవరాత్రి ఉత్సవాలు: సామూహిక కుంకుమార్చన, మహా అన్నదానం
పర్వతగిరి, సెప్టెంబర్ 23:
పర్వతగిరి మండల కేంద్రంలోని శివ పుత్రుడు అసోసియేషన్ ఆధ్వర్యంలో ఏర్పాటు చేసిన గణేష్ మండపంలో గణపతి నవరాత్రి ఉత్సవాలు భక్తిశ్రద్ధలతో, కోలాహలంగా కొనసాగుతున్నాయి. ఉత్సవాల్లో భాగంగా బుధవారం శివ పుత్రుడు గణపతి వద్ద, మండల వాసి చింతకుంట్ల మల్లికార్జున్ సౌజన్యంతో/ఆధ్వర్యంలో మహిళలు సామూహిక కుంకుమార్చన పూజను కన్నులపండువగా నిర్వహించారు.
అనంతరం దాత చింతకుంట్ల మల్లికార్జున్ ఆధ్వర్యంలో ఏర్పాటు చేసిన భక్తుల మహా అన్నప్రసాద వితరణ కార్యక్రమాన్ని ప్రముఖులు ఘనంగా ప్రారంభించారు. ఈ కార్యక్రమంలో కల్లెడ సొసైటీ చైర్మన్ పిన్నింటి అనిల్ రావు, పర్వతగిరి ఎస్సై బి. ప్రవీణ్, పిన్నింటి సునీల్ రావు, ఉప సర్పంచ్ అనిత అజయ్ రావు ముఖ్య అతిథులుగా పాల్గొన్నారు.
ఈ సందర్భంగా నాయకులు, అధికారులు మాట్లాడుతూ.. ఆధ్యాత్మిక భావనలతో పాటు సామాజిక సేవా కార్యక్రమాలు నిర్వహించడం అభినందనీయమని పేర్కొన్నారు. ఈ కార్యక్రమంలో శివ పుత్రుడు అసోసియేషన్ సభ్యులు, స్థానిక గ్రామానికి చెందిన మహిళలు, భక్తులు, గ్రామస్తులు పెద్ద సంఖ్యలో పాల్గొని స్వామివారిని దర్శించుకుని ప్రసాదాన్ని స్వీకరించారు
