పేకాట రాయుళ్ళ అరెస్ట్ 

కమలాపూర్ పోలీస్‌ స్టేషన్ సిబ్బంది నమ్మదగిన సమాచారం మేరకు కన్నూరు గ్రామంలో అక్రమంగా పేకాట ఆడుతున్న వారిపై దాడి నిర్వహించారు. ఈ దాడిలో పిల్లల రాజు, తాడూరి విజయ్, బుర్ర సురేష్, అక్కాపల్లి తిరుపతి, నాగపురి నవీన్ కుమార్, మహారాజు భాస్కర్‌లను అదుపులోకి తీసుకొని ఎస్సై అనంతగిరి మధు కేసు నమోదు చేయడం జరిగింది.వారి వద్ద నుంచి రూ.9,000 నగదు,3 బైక్ లు, 4 సెల్‌ఫోన్లు, 52 పేకాట ముక్కలను స్వాధీనం చేసుకున్నారు. ఈ సందర్భంగా పోలీసులు పేకాట వంటి అక్రమ కార్యకలాపాలపై కఠిన చర్యలు తీసుకుంటామని హెచ్చరించారు. ప్రజలు ఇలాంటి చట్టవిరుద్ధ కార్యకలాపాలకు దూరంగా ఉండాలని, ఏవైనా సమాచారం ఉన్నట్లయితే పోలీసులకు తెలియజేయాలని సూచించారు.